Sipaarniarneq borgmesterip navianartoqartippaa

Inatsisartut Naalakkersuisullu kommunit kattussuunnissaat pillugu isumaqatigiissummik qimarratiginnilersoralugit Qaasuitsup Kommuniani borgemesterip, Jess Svanep, ernummatigaa.
oktobarip 15-at 2009 06:58

Kommunit ukiumoortumik naalagaaffimmit tapiissutaannit ikinnerpaamik 36 millionit koruunit Naalakkersuisut ilanngarniarpaat. Borgmesteri isumaqarpoq aningaasat taakku peerneqarpata pissutsit kommunit 18-iugallarneratut ilissasut.

- Isumaginninnermut ilinniartitaanermullu tunngasunik atuutsitsinerup saniatigut allanik ingerlatsisinnaajunnaassaagut, Jess Svane oqarpoq.

Kattussuunneq immini sipaarfiussasoq isumaqaraanni tamanna paatsoornerussaaq, siunertaammammi allaffissornikkut sipaakkat pilersinniakkanut allanut illikartinneqarnissaat.

- Naalakkersuisut siunniussaat aalajangiusimaneqassappat Namminersorlutik Oqartussanut qinnuteqartarneq atuutilissaaq, soorlu taamaalereersoq sanaartugassanut tunngasutigut maanna periusiulersutigut. Sanaartugassanut atugassat kommunit tamarmik maanna qinnuteqarfigisartussanngorpaat, nalullugu qassinik pissarsissanerlutik, Jess Svane oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq