Silvio Berlusconi coronamik tunillatsissimasoq peqqissiartortoq
Italiami ministeriunerusimasoq Silvio Berlusconi coronavirusimik napparsimareerluni peqqissiartorpoq.
Berlusconip nakorsai nutaarsiassaqartitsivimmut DPA-mut taama ilisimatitsipput.
Silvio Berlusconi Italiami arlaleriarluni 1990-ikkuni 2000-ikkunnilu ministeriunerusarsimavoq.
Berlusconi coronavirusimik nappaateqarnini pillugu puallulerpoq, tamannalu pillugu Italiami illoqarfissuarmi Milanomi napparsimmavimmut sisamanngormat unitsinneqarluni.
Berlusconi qeqertami Sardiniami illumineereerluni napparsimmavimmut unitsinneqarpoq. Berlusconip aappaa, 30-nik ukiulik Marta Fascina, Berlusconillu meeraasa tallimat akornanni marluk coronavirusimik tunillanneqarsimasut aamma paasineqarpoq.
AAMMA ATUARUK Berlusconi covid-19-imik tunillatsissimasoq napparsimmavimmi uninngasoq
Berlusconip Fascinamik aappaqalernera tamanut siorna saqqummiunneqarpoq. Taanna konservatiivit Forza Italia sinnerlugit Italiami inatsisartunut ilaasortaavoq.
Berlusconip politikkikkut sulinini nangeqqinnialeraa coronavirusimik tunillannneqarpoq, Berlusconimi Italiami nunap immikkoortuani qaammatip massuma ingerlanerani qinersisoqarnissaanut sassarpoq.
Qineqqusaartunulli Genovami ataatsimiititsinermi najuuttut Berlusconip napparsimmavimmut unitsinneqannginnermini oqarasuaatikkut attaveqarfigai:
- Oqarfigerusuppassi: Kissarneqanngilanga, anniaateqarnangalu. Ajunngilanga, Berluuaconi oqarpoq.
83-inik ukiulik Berlusconi ullut marluk napparsimmavimmeereerluni peqqissiartortoq nakorsat oqaatigaat, anersaartorneralu pissusissamisuulersoq oqaatigalugu.
