Berlusconi covid-19-imik tunillatsissimasoq napparsimmavimmi uninngasoq
Italiami ministeriunerusimasoq Silvio Berlusconi misissoqqissaarneqartussaanini pissutigalugu Milanomi napparsimmavimmi uninngavoq. Berlusconi coronavirusimik tunillatsissimasoq paasineqarami taama pisoqarpoq.
Italiami nutaarsiassaqartitsivik Ansa taama allappoq.
Italiap naalakkersuisuisa siulittaasorisimasaat 83-inik ukiulik Berlusconi ajunngitsoq isumannanngitsorlu, inuttaata partiiata Forz Italiap nalunaarutigaa.
AAMMA ATUARUK Berlusconi genopstiller ikke
Berlusconip inooqataa 30-nik ukiulik Marta Fascina Berlusconillu meerai tallimaasut taakkunannga marluk coronavirusimik aamma tunillatsissimasut, Italiami tusgassiuutit nalunaarutigaat. Taakkua illumi Milanop eqqaani Arcoremiittumi angerlarsimaannaqqusaallutik aneqqusaanngillat.
Berlusconi coronavirusumik tunillatsissimaneranik malunnartoqanngitsoq, Forza Italiap pingasunngornermi nalunaarutigaa. Taamaattumillu partiip najukkani qaammatip matuma ingerlanerani qineqqusaarnissanut sulinini ingerlatiinnarsinnaasimavaa.
- Kissarneqarnangalu anniaateqanngilanga. Ajungeqaanga, Berlosconi Genovami qinersisartunut ataatsimiittunut telefonikkut sisamanngornermi oqarpoq.