Avatangiisit

Silis-Høeghip urani pillugu qalipagai Narsamiittut takukkit

Eqqumiitsuliornermik politikkimillu soqutigisaqaraanni Bolatta Silis Høeghip Narsami saqqummersitsinera, taaguutilik LIGHTS ON LIGHTS OFF takuniarneqarsinnaalissaaq.

Allattoq Jonas Fievé

septembarip 14-at 2015 11:19

Nutserisoq Elisa Isaksen

Qalipakkani siusinnerusukkut Nuummi Københavnimilu saqqummersinneqartareersuni, Nunatsinni uranimik piiaasoqalernissaanik isuma aamma Kujataani Narsap eqqaani Kuannersuarni uranimik piiaasoqalernissaa akerliuniarfigineqarput.

Nunatsinni uranimik piiaasoqanngilluinnarnissaanik aalajangiussaq Inatsisartut 2013-imi oktobarimi atorunnaarsippaat, taamaalilluni Narsap eqqaani Kuannersuarni uranimik piiaasoqalersinnaanissaa aqqutissiuunneqarluni.

Aamma atuaruk Nuuk Kunstmuseumimi sapiitsuliornermik isornartorsiuinermillu takutitsineq

Taama aalajangiisoqarnera immikkut ittumik eqqumiitsulianik suliaqarnissamut aallarniutaavoq.

- Naalakkersuinikkut aalajangiussamut pakatsinarluinnartumik aatsaat taama sakkortutigisumik misigisaqarpunga.

- Kalaallit Nunaanneersuunera aatsaat taama kanngusuutigitigaara, aatsaallu taama qalipaarusussuteqartigalunga, Bolatta Silis Høegh suliniutimi piviusunngornera pillugu taama oqarpoq.

Aamma atuaruk ASSIT Urani pillugu qalipakkat Narsami saqqummersinneqassapput

Saqqummersitsineq tallimanngorpamit oktobarip aappaata tungaanut takuniarneqarsinnaassaaq.