Nuuk Kunstmuseumimi sapiitsuliornermik isornartorsiuinermillu takutitsineq
Nuuk Kunstmuseumimi saqqummersitsineq taaguuteqartinneqarpoq " Ligths on - Lights off", qulliit ikipput qullit qamipput, qalipakkat pissanganartuliat, taakkunani uranimut naaggaarluinnarnerup atorunnaarsinneqarnera isornatorsiorneqarluni.
Eqqumiitsuliortup nammineerluni nassuiarpaa qalipakkakani tassaasut uran pillugu kamannerminik oqaasinngorlugit nassuiarsinnaanngisani.
- Uanga uran pillugu kamannera oqaasinngortsillugu nassuiaasinnaanngilanga, kisianni oqaatiginngisakka tamaasa qaffakaatippakka, Kalaallit nunanni misigisimasakka pillugit: Nakuuserneq atornerluinerlu, inuiaqatigiinni oqallisigineqarneq ajortoq aamma nipangiinnarluni akuerineqartartoq. Naapertuilluannginnerit, uagut tunuinnartakkavut, Bolatta Silik-Høegh Nuuk Kunstmuseumip tusagassiuutinut nalunaarutaani taama oqarpoq.
Aamma atuaruk Nunatta Katersugaasivia qalipakkanik immikkuullarissunik pisisoq
Saqqummersitami assilialiat angioorussuit aqqaneq marluk takuneqarsinnaapput tassaallutik pinngortitaq taartunik qalipaasersugaq, qilak nuiapiluttoq aamma arnaq atisaqarani aanaartoq.
Saqqummersinneqartuni assilialiat tallimat Københavnimi saqqummersitsinermi Nunatta Katersugaasivianit allagaateqarfianillu pisiarineqarput.
Bolatta Silis-Høegh Qaqortumi 1981-mi inunngorpoq ullumikkullu Københavnimi najugaqarluni.
Saqqummersitsineq sisamanngorneq juulip 16-ani ammarneqassaaq aggustillu 17-iata tungaanut alakkarneqarsinnaassallutik.