Silap pissusaa pillugu anguniakkat piviusorsiortut
- Kiassutsip marlunnik qaffannissaa pillugu isumaqatigiissuteqassagutta, Naalagaaffiit peqatigiit silap pissusaanut ataatsimiititaata oqarfigaatigut nunat pisuut gassinik kissatsikkiartortunik aniatsitsinerat ukiuni qulini tulliuttuni 40 procentimik annikillisarneqassasoq, ukiullu 40-t ingerlanerini 90 procentimik annikilliliisoqassasoq, Danmarkimi Grønne Tænketankimi, tassa mingutsitsinnginnissamik eqqarsaqatigiittarfimmi pisortaq, Thomas Færgemand oqarpoq.
Tamatumalu kingunerissavaa aningaasarsiornikkut inuiaqatigiittullu aaqqissugaanikkut allannguerujussuarnissat, tamannalu anguneqarsinnaavoq, soorlu Danmarki inuussutissarsiuteqartut nukissap 50 procenti tikillugu sipaarsinnaasut. Aamma teknologi atorlugu nutarterisoqarpat soorlu biilit innaallagissartortut allanillu atuisoqalerpat tamanna mingutsitsinnginnermut iluaqutaalluarsinnaavoq, Thomas Færgemand oqarpoq nangillunilu:
Mingutsitsinnginnissamut atatillugu suliffeqarfiit mingutsaaliornissamut tunngatillugu nassuiaanneqartariaqarput taakkulu siunissamut ungasinnerusumut pilersaarusiortariaqarput, orsussarlu nukissiuutinut ataavartunut sanilliullugu akisunerujussuusariaqarpoq.
