Silaannaap allanngoriartornera Issittumi naasunut uumasunullu sunniuteqarpoq

Tassami sullernit naasullu issitttup kianneruleriartorneranit sunnerneqartut, ilisimatuussutsikkut misissuinerup takutissimavaa.
juunip 04-at 2013 10:32

Taamaanneralu uumasunut allanut siunissami ungasinnerusumik kinguneqarsinaasoq, qallunaat ilisimatuussutsikkut suliaata, ilisimatuussutsikkuut allaaserisanik saqqummiuissisartoq tatigisaasoq Nature Climate Change saqqummiivoq.

Ilisimatuut Biolog-imit ilisimatuumit Toke Thomas Høye Aarhus-ip Universitet-ianeersumit aqunneqartut silaannaap allanngoriartornerata kinguneranik avatangiisit ukiuni 14-ini malinnaaffigisimavaat. Maannalu erserpoq Tunup Avannaarpiaani sullerngit assigiinngitsut affaannanngorsimasut.

Kiannerulernerata naasut toquliortarnerat piaarnerulersippaa, sullerngillu taamaalillutik naasut isserinik inuussutissaaruttartut amerlillutik.

- Silaannaap allanngoriartornerata kinguneranik aatsaat taama paasisaqartoqarpoq. Kissakkiartornerata sunniutaasa maannamut ajornerpaaffigisinnaangaat, Toke Thomas Høye  Videnskab. DK-mut oqarpoq.

Taassuma oqarnera malillugu saputinik pisat naatsorneqarnerisigut paasisaqarsimapput. Sullerngit katillugit 150.000it kisinneqarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq