Sikuki Nuuk Harbour naammassineqarpoq
Nuummi containerinut terminalissaq Kalaallit Nunaanni sanaartorneqartut annersaannut ilaavoq, containerinullu inissiisarfik nutaaliaavoq 47.000 kvadratmeteritullu angitigaluni.
AAMMA ATUARUK Nuummi umiarsualivittaassaq aasaru aatsaat naammassineqassaaq
Nuummi containerinut terminalissap atorneqalernissaanut atatillugu qaammatinik arlalinnik kinguaattoortoqarpoq, sanaartornermi suliarinnittunut imaannaasimanngitsoq nalunaarutigineqarpoq:
- Isumaqatigiissummi aalajangersagaasut naapertorlugit, kinguaattoornerup aningaasatigut sunniutai attuumassuteqanngitsunit nalilersorneqarlutik aalajangerneqassapput. Maannali nuannaarutigiinnarparput terminalissaq piareermat aammalu Royal Arctic Line kiisami terminalitaami ingerlatassaminut isertersinnaalermat, Sikuki Nuuk Harbourip pisortaa John Rasmussen oqarpoq.
Umiarsualivittaap pisortatigoortumik atorneqalernissaa ukiaru malunnartinniarneqarumaartoq nalunaarutigineqarpoq.
