Sikuiuitsumi kujallermi uuliasiorluni qillerisoqassanngilaq

Eqqarsaatigineqarpoq aalisaqqusaajunnaavinnissaq uuliamillu ujarlernissaq inerteqqutaalivitsinniarlugit imarmi 2 millioner kvadratkilometerisut annertutigisumi. Information taama allappoq.

Sikuiuitsup kujalliup piuinnarnissaanut ataatsimiititaliarsuaq ataatsimeeqqammivoq, oqaluuserisassallu pingaarnerit siulliit ilangaat taqqassuma imartaasa ilaat eqqisisinniarlugit.

Pinngortitap piujuaannarnissaanik suliniutillit soorlu Greenpeace aamma Verdensnaturfonden, isumaqarput imaq tamanna uumassusillit assigiinngitsut 10.000-it angerlarsimaffiat inuussutissarpassualillu eqqissisitaappat tamakku uumaannarnissaminnut periarfissinneqassasut.

Ullumikkut imarsuatta én procentia kisimi eqqissisitaavoq, taamaalilluni aalisakkat imarsuatsinniittut tamarluinnarmik aalisapilunneqarlutik.

Sikuiuitsulli Kujalliup imartaasa ilaasa eqqissitinneqarnissaat nunat 24-it apeqquserpaat. Aningaasarsiornikkut politikkikkullu soqutigisaqarfigigamikku. Ingammik Rusland, Norge aamma Kina.

Norge'p apeqqusiinera peqquteqarpoq norgimiut taqqavani aalisartorpassuisa periarfissaat killilerneqassammata. Norge annertoorujussuarmik peqquararniartarpoq.