SIK ukiunik 60-inngortorsiorpoq
Qassimiuaarneq 2016 pisortatigoortumik ippassaq naggaserneqartumut nangiinnarlugu ullumi nalliuttorsiornersuaqassaaq.
SIK-p ukiuni 60-nngortorsiornera nunani avannarlerneersunit, nunatsinnilu SIK-mi sinniisuutitanit peqataaffigineqartussaq ullaakkorsioqatigiinnermik aallarnerneqassaaq.
Pilersaarutillu malillugu nal. 10.00 Naalagiaqatigiittoqassaalluni
Pisussarpassuaqarporlu:
Katuami aliikkusersuinertalimmik unnugu nerersuaqatigiittoqassaaq, oqalugiartoqartassallunilu. Nalliuttorsiornissarlu unnuarumut nal. marluk tungaanut pilersaarusiorneqarsimavoq.