SIK Sulisitsisullu nutaamik isumaqatigiissuteqarpoq
SIK sulititsisullu kattuffiat GE, nutaamik 2019-mut atuuttussamik isumaqatigiissuteqarput.
Allattoq Sara K. Jakobsen
marsip 24-at 2016 18:30
Isumaqatigiissutip nutaap sulisartut akissarsiaannik atorfinitsinneqarnermilu atugassarititaasunik pitsanngoriaateqarneranik kinguneqartussaavoq.
Isumaqatigiissuteqarfiusut ilaatigut tassaapput:
Sanaartorneq, Kiffartuussineq assartuinerlu, Tunisassiornerlu.
Aammattaaq akissarsiat qaffannissaannik isumaqatigiissuteqarput, erninermut atatillugu aningaasaateqarfimmik pilersitsisoqarnissaa SIK-mit GE-miillu ataatsimoorullugu Naalakkersuisunut saaffiginnissutigineqassaaq.
Sulisut sinniisaat ilinniartitaanermi aningaasaateqarfik aqqutigalugu nukittorsarniarneqarput, tamanna GE-ip tapersiutigissallugu piareersimaffigigaa, tusagassiuutinut nalunaarumminni allapput.
