SIK: RG namminersortunngorpat suliffissaaleqisut amerlissapput
Royal Greenland namminersortunngortinneqarpat, akilersinnaasuseq anguniarneqassasoq, Jess G. Berthelsenip naatsortuutigaa. Taamalippalli piginneqatigiiffissuup tunisassiorfii imminut akilersinnaanngitsut matoorarneqassasut aamma aarleqqutigalugu. taamalippallu ima pisoqasasoq ernumavoq.
Sulisunik ikilisaasoqariasaarsinnaanera, suliffissaaleqisullu amerlinerannik kinguneqarsinnaanera Jess. G. Berthelsenip oqaatiga.
Siumut politikkikkut oqaaseqartartua, Karl Lyberth, ernumanngilaq. Taanna isumaqarpoq, kiffartuussinermut isumaqatigiissutit atorlugit suliffiit atatiinnarneqarsinnaasut
-Suliffeqarfiit Namminersorlutik Oqartussanit pigineqaraluarpata imaluunniit suliffeqarfiit namminersortunit ingerlanneqarpata, politikerit pisussaaffigaat kiffartuussinermik isumaqatigiissuteqarnikkut suliffeqarfiit ingerlaannarnissaat qulakkeerneqarnissaat, - Karl Lyberth oqarpoq.
Suliffeqarfissuup, inuiaqatigiinnit pigineqartup,namminersortunit ingerlaneqalerneqarnissaa, Siumumit anguniarneqarlersimammat, SIK-p siulittaasua eqqumiigaa, isumaqarluni siunnersuut partiip tunngaviusumik isumaanut naapertuutinngitsoq.
Jess G. Berthelsen ima oqarpoq.
"Siumut tunngaviusumik ideologimik politikkia tassaavoq pigisat tamarmik inuiaqatigiinni iluaqutigineqassasut, aammalu naligiimmik inuiatigiinni iluaqutigineqassasut" Jess G. Berthelsen oqarpoq,
" tupigisuutiginngitsuunngilara Siumut taamatut siunnersuuteqarmat, Royal Greenland namminersortunut tunineqarpat, naligiimmik agguaassisoqarsinnaajunaassaaq" Jess G. Berthelsen oqarpoq.
Kisianni Karl Lyberth oqarpoq, Inuiaqatigiit tamarmik pigisaasa inuiaqatigiinnut tamanut iluaqutaanissaat, Siumup suli politikerigaa.
Royal Greenland namminersortunut tunineqaraluarpat nunatsinni pisuussutit uumassusillit nunatsinni iluaqutaajumaarnissaat Karl Lyberthip naatsorsuutigaa, Royal Greenland tunisassiatigut ingerlallualeriarpat akileraarutitigut piginneqatigiillunilu akileraarutit isertinneqarnerisigut iluaqutaajumaarmata, Siumut politikkikkut oqaaseqartittagaa Karl Lyberth oqarpoq.
