SIK-p GA-llu isumaqatigiissutigaat 8 procent
Suliffeqarfinni namminersortuni sulisut, ilinniarsimasut ilinniarsimasuunngitsullu,
SIK-p aamma Kalaallit Nunaanni Sulisitsisut Kattuffiata, GA-p, isumaqatigiinniarnerminni tassa angusaat, Sermitsiaq taama allappoq.
Isumaqatigiinniarnerit aamma ilaatigut ima ilusilerneqarsimapput, sulisup suliffimmi qanoq sivisutigisumik sulisimanera apeqqutaalluni akissarsiai qaffassallutik.
Ilanngullugu lærlingit akissarsiaat immikkut qaffanneqarput, takutinniarlugu ilinniagaqarneq akilersinnaasoq. Aamma soraarnerusutisiallit 1 procentimik qaffaaffigineqarput.
SIK-p siulittaasua Jess G. Berthelsen ima oqarpoq:
- Taanna isumaqatigiissutigisinnaasarput aammalu isumaqatigiissuterput, isumaqarpunga maannakkut aningaasarsiat pisissutigineqarsinnaaneri aallaavigalugit illersorneqarsinnaasoq. Taana aallaavigalugu inassutigissavara immikkoortortaqarfiik akuersaassagaat.
2009-mi upernaakkut isumaqatigiissummi pisortani atorfillit 10,13 procentimik qaffaaffigineqarput, Sermitsiaq taama allappoq. Jes G. Berthelsenip nassuerutigaa, namminersortuni atorfillit nikuussaanerat:
Tamanna ajuusaarutigaara, taamaattoqaannarnissaalu naatsorsuutiginngilara. Neriuutigaara kigusinnerusukkut assigiinngissut aaqqinneqarsinnaassasoq, SIK-p siulittaasua oqarpoq, naqissuserpaalu massakkut isumaqatigiissut iluarisimaarlugu:
- Iluarisimanngitsuugukku atsiorsimassanngikkaluarpunga.
Isumaqatigiissut nutaaq aprilip aallaqqaataani atuutilissaaq. Sapaatip akunnerisa tuliit marluk ingerlanerani SIK-mi immikkoortortaqarfiit isumaqatigiissut taasinikkut akuerissutigitissavaat.