SIK: Kiassarnermut akiligassat nutaat innarliilluinnarput
- Immikkut akiligassiinerup ilaqutariippassuit eqqorpai, aningaasaqarniarnikkullu ilungersoreeqisut suli ilungersornerulersillugit, siulittaasup tullia allappoq.
- SIK pisortanik ungasissorsuunngitsukkut akissarsiatigut isumaqatigiissuteqarpoq, akissarsiallu annikitsuinnarmik qaffanneqarput, taakkulu A/S Inip atuisuminut akiligassanut qaffaassutaannut matussutaasinnaanngillat, SIK-mit oqarput.
Josef Therkildsenip allaat apeqqutigaa, Inissiaatileqatigiiffimmik piginnittut, tassa Namminersorlutik Oqartussat, qaffaanissaq isumaqatigiissutit naammassereernissaannut piaaraluni utaqqinneqarsimanersoq.
Tamatuma saniatigut SIK-mit apeqqutigineqarpoq, Namminersorlutik Oqartussat piginneqatigiiffiit pigisatik aqussinnaaneraat. Tamanna tunngavigalugu Nukissiorfiit aktiaatileqatigiiffittut piginneqatigiiffinngortinniarneqarnerat, SIK-mit ernumanartinneqalereerpoq!
SIK-mit ilanngullugu inigisanut ataasiakkaanut kiassarnermut uuttuutit ujartorneqarput, ilaqutariimmi taamaalillutik kiassarnermut namminneq qanoq atuitiginertik takusinnaassallugu periarfissinneqassagaluarmat