SIK innaallagissamut akinik qaffaaneq pillugu: Allat aamma qaffaasinnaapput
Qulleq ikikkaanni uffarniaraanniluunniit akisunerulissasoq, Nukissiorfiit kalerriutigaat.
Tassami innaallagissamut imermullu akit qaffattussanngorput.
Tamanna SIK siulittaasuata assut isornartoqartippaa, taassumami ilaasortani akissarsiakigeeqisut eqqugaaqqittussanngornerarpai.
- Kallerup inneranut qaffaanerup aamma kingunerisarpaa soorunami pisiniarfiit allallu suliffeqarfiit aamma kallerup inneranut atuigamik, aamma taakkunani akinik qaffaasoqalersinnaanera ernumanartutut isigaara, SIK-p siulittaasuat Jess G. Berthelsen oqarpoq.
AAMMA ATUARUK Innaallagiaq imerlu akitsulersut
Innaallagissamut akit kilowattimut 10 ørinik qaffanneqassapput. Imermut kubikmeterimut 1,20 koruuninut qaffanneqassallutik.
Akit qaffaataat
Innaallagiap akia kilowattimut 10 ørenik akisunerulissaaq. Imerlu kubikmeterimut 1,20 koruunimik akisunerulissalluni.
Nukissiorfiit oqarnerat naapertorlugu ilaqutariit sisamanik amerlassusillit innaallagiamut imermullu qaammammut 44 koruunimik akiliinerusalernissartik naatsorsuutigisinnaavaat.
Akit nutaat 2023-mi februaarip aallaqqaataani atuutilissapput.
Nukissiorfiit oqarnerat naapertorlugu ilaqutariit sisamanik amerlassusillit innaallagiamut imermullu qaammammut 44 koruuninik akiliinerusalernissartik naatsorsuutigisinnaavaat.
Akit nutaat 2023-mi februaarip aallaqqaataani atuutilissapput.
Akissarsiakinnerpaat ikiorneqarlik
Nukissiorfik kisiartaalluni akinik qaffaanngilaq. Ukrainimimi sorsuttoqarnerata kingunerisaanik kingullertigut nerisassat akii aamma qaffanneqarnikuupput.
Taamaammallu innaallagissap erngullu akiisa qaffannerat malunniuteqassammat, ilaasortani politikkikkut ikiorneqassasut, Jess G. Berthelsen isumaqarpoq.
AAMMA ATUARUK Hans Peter Kristensen om prisstigninger: Det til at græde over
Taasuma ilaasortaminut ukiorsiissutit sorpiaat tunniunneqarsinnaaneranik ima siunnersuuteqarpoq.
- Ineqarnermut tapiissuteqarneq, akissarsiat ilanngaataat allisillugu paaqqinnittarfinnullu akiliutit. Pisissutaasinnaasut ikilinnginnissaannut Namminersorlutik oqartussat kommunillu iliuuserisinnaasaat arlaqarput.
SIK malillugu akissarsiallit akitsuinermi eqqugaanerpaasussaammata taakku ikiorserneqarnissamik pisariaqartitsinerpaasussaassasut Jes G.- Berthelsen erseqqissaavoq.
- Ilaasortagut ajoraluartumik isertitaqqortuujunngillat, taamaammat ikiorsiinissaq pingaarnersiorneqassaaq.
Isumaqatigiissutit qulakkeerneqareersullu akitsuisoqartoq
SIK-mi ilaasortat arlallit akissarsiai qaffaavigineqartussaapput. SIK-mi ilaasortani pisortat suliffeqarfiutaanni atorfillit akissarsiaasa procentinik arfineq pingasunik qaffaavigineqarnissaat isumaqatigiissutigeqqammerpaa.
Qaffaassutissanillu isumaqatigiissusiortoqaqqammiinnartoq malitsigisaanik akinik qaffaasoqartarnera Jess G. Berthelsenip nuanniigaa.
- Tassa aanna nuanniittuaannartua, isumaqatiginninniarneq naammassigaangat taava tassa qaffaanerit aallartittarput, taanna oqarpoq.
AAMMA ATUARUK Akit qaffannerat: Naalakkersuisut nalimmassaatissanik sulissuteqarput
Nukissiorfiit pilersuinerminnik patajaannerulersiniarluni ukiunut tulliuttunut qulinut pilersuinermut atortunut 2,5 milliardinik aningaasaliisussaanerat pissutaavoq.
Taamaammat Nukissiorfiit akinik qaffaanissaat Naalakkersuisunit akuerineqarpoq. Nukissiorfinnimi akinik qaffaanerit Naalakkersuisunit akuerineqartartussaapput.