Hans Peter Kristensen nioqqutissat ilaasa akitsornerat pillugu: Qiasunnguummernartarporluunniit

- Pilluakataarniaruma mattannik, qullukkanik, nikkunik allanilluunniit panertunik sussaqanngilanga qaammatip sinneranut, siusinaartumik soraarnerussutisialik Hans Peter Kristensen oqarpoq.
Hans Peter Kristensen akileraarutinit utertuugaqareerluni Brugsenimut niuerniartoq.
Jensine Ottosen Kattuffik Utoqqaat Nipaanni siulittaasuuvoq.
Allattoq Aviâja Kilime , Megan Hansen
aggustip 31-at 2022 16:57

Pilersuisumi Brugsenimiilluunnit akiliinialeraangavit malugisarsimassavat: Pisiarisartakkatit nalinginnaasumik akisunerupput.

Tamannalu siusinaartumik soraarnerusutisialinnut eqquinerloqaaq.

- Ilaannikkooriarluni qiasunnguummernartarporluunniit kalaaliulluni. Soorlu kalaallisut nerinera meeraaninninngaanniit atorpara. Maannakkulli taamannak neriniaruma ullut qulit qaangiuppata qaammatip sinnera tamaat sussaarutissuunga, Hans Peter Kristensen oqarpoq.

AAMMA ATUARUK Ataatsimut isigalugu: Nioqqutissat qulit uku akitsornerpaapput

Taanna siusinaartumik soraarnerussutisialiusoq Nuummi najugaqarpoq.

Pilersuisumi nioqqutissat akitsornerpaat tallimat


Makkariina siatsisissaq Rema 1000-meersoq, 500 g: Januaarimi 10,95 kr. – maanna: 15,95 kr.


Qallersuut Salami Gølimeersoq 250 g: Januaarimi 24,95 kr. – maanna: 34,95 kr,


Makkariina siatsisissaq Omameersoq, 500 g: Januaarimi 21,95 kr. – maanna: 29,95 kr.


Qallersuutissat Rullepølset Pålækkerimeersut, 90 g: Januaarimi 21.95 kr. – maanna: 28.95 kr.


Punneq Lurpakimeersoq, 200g: Januaarimi 23,95 kr. - maanna 29,95kr.
 

Paasissutissarsiffik: Pilersuisoq

- Pilluakataarniaruma mattannik, qullukkanik, nikkunik allanilluunniit panertunik sussaqanngilanga qaammatip sinneranut. Tassa taamannak ingerlaniarsarivugut massakkut, taanna oqarpoq.

Akikillisat misissoqqissaaqqaartariaqartaraat

Taamaammat qaammatip sinnerani inuussutissaqarniarunik akikillisanik misissueqqissaaqqaartariaqartarput.

- Qaammammusigaangatta        angerlarsimaffimminngaanniit suna tamaat allattoreertarparput. Akikillisat suuneri, qanoq akeqarneri, Brugsenimiinersut Pisiffimmiinersulluunniit, tamaaviisa allattortarpagut.

- Siornatigut naatsiiarsikkajuppugut. Qaqorteqqasulli spaghettillu akikinnerummata maanna pisiarikkajuppagut, taanna oqarpoq.

Naammattusaraluaqalutik ulluni makkunani utertoorrattoqarnerani oqittorsiornerulaarput.

Taassumami nulia utertoortunut ilaavoq.

- Nuliamami pilerpaanga: Kammaak utertoorsimavunga, pisiniarfilerisa? Naa, ilumut nuannaajummingaarama qiasunnguummernarporluunniit.

AAMMA ATUARUK Ilinniartut: Pisiassat akitsorujussuarnerat annikilliornaqaaq

Nioqqutissat ilaasa akitsornerat ingammik uuliap akitsorneranik peqquteqarpoq. Uuliami akitsoraluttuinnarpoq, ingammik Ruslandip Ukrainemi saassusineratali kingorna. Tamannalu nioqqutissanik nunatsinnut assartuititsinermi akigititamut sunniuteqaqaaq, Royal Arctic Linemmi uuliamut tapiliussarititaa qaffangaatsiarpoq. 

Brugseni nioqqutissanik noqqaanerusalersimanngikkaluarluni tamatumunnga siorna qaammatini arfineq-marlunni aningaasartuutigisamininngarnit ukioq manna 4 millionit koruunit missarluinnangajaanik aningaasartuuteqarnerulereerpoq. Tamatumunngalu akiiliisariaqartartut ajoraluartumik tassatuaapput pisiniat.

Kattuffik Utooqqaat Nipaat: Tamatta ilungersorpugut

Niuertarfinni akit qaffannerat Hans Peter Kristensenip kisimi ajornartorsiutiginngilaa. Utoqqarpassuarnut taamaattoq, Utoqqaat Nipaanni siulittaasup oqaatigaa.

- Ilungersorpugut. Pinngitsoornata tamatta ilungersorpugut. Aamma utoqqaannaanngitsut. Nunarsuarmioqataasugut tamatta aningaasat naleerukkiartornerat malugeqaarput, Jensine Ottosen oqarpoq.

Uani ataani Nuummi Brugsenimi nioqqutissat akitsornerpaat qulit uani ataani atuarsinnaavatit:

Nuummi Brugseni:

  • Naasortat naasuusartallit: Januaarimi: 119 kr. – Juulip aallaqqaataani: 189 kr.
  • Pølsi Frankfurter, pujuugaq aamma nammineq sanaaq, 1 kg: Januaarimi: 79,90 kr. Juulip aallaqqaataani: 99,90 kr.
  • Nersussuup neqaa aserortigaq, 1 kg: Januaarimi: 84,90 kr. Juulip aallaqqaataani: 99,90 kr.
  • Nersuteeraq/puulukimineq aserortigaq: Januaarimi: 74,90 kr. Juulip aallaqqaataani: 89,90 kr.
  • Nipinneqqut, Sekundlim, 4,5 g: Januaarimi: 29,95 kr. Juulip aallaqqaataani: 44,95 kr. 
  • Rødvin Faustino, 75 cl: Pris i januar: 229 kr. Pris 1. juli: 239,95 kr. 
  • Mellemlagret ost fra Danbo, 750 g: Pris i januar: 59,95 kr. Juulip aallaqqaataani: 69,95 kr.
  • Savap neqaa suppaliassaq Neqimeersoq, 1 kg: Januaarimi: 109,90 kr. Juulip aallaqqaataani: 119,90 kr.
  • Medisteri nammineq sanaaq, 1 kg: Januaarip aallaqqaataani: 69,90 kr. Juulip aallaqqaataani: 79,90 kr.
  • Medisteri aserorteqqissaagaanngitsoq, 1 kg: 69,95 kr. Juulip aallaqqaataani: 79,90 kr.  
Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk