Shellip sikunik aserorterutaa nal. ak. 20-ni assersorneqartoq
Portlandimiit Oregonimiittumit avammut aqqut tiimit 20-it sinnerlugit assersoreerlugu immap St. johns bridgellu akornanni greenpeacemeersut 26-it affaat maanna sinipput, Greenpeace Danmarkimit oqaatigineqarpoq.
Greenpeacemeersut ikaartarfimmi immamit 25 meterisut inorlugu nivingapput, akerliusulli ilami sininneranni alaatsinaattuupput.
Shellip sikumik asersorterutaa Fennica Portlandimit oregonimiittumit amutsivimmit ippassaq pingasunngornermi aallarnissaa pilersaarutaagaluarpoq, maannali aallarnissaq kinguartinneqarpoq.
AAMMA ATUARUK Greenpeacermiut Shellip sikunik aserorterutaanik assersuisut
Fennicap imarpimmut tjukturimukarnermini alaskami ikkarlunnermini aquatigut meteri ataatsimik annertutigisumik putunerata kingorna Portlandimi amutsivimmi aaqqissortippoq.
Shellip akuersissutigigallagaa fennicap alaskap imartaani uuliamik qillerinissaa aatsaat fennica misissuiffimmut uterpat akuerineqarsinnaavoq.
- Taamaattumik greenpeacemeersut sikup asererorterutip ingerlaqqinnissaanut assersuisut, neriullutik Præsident Obama silattussasoq qillerinissaraluillu unitsillugit, Sune Scheller Greenpeace Danmarkimiit oqarpoq.
AAMMA ATUARUK Shellip issittumi uuliasiorluni qilleriniarnera Obamamit akuersissutigineqartoq