URANI Sermitsiaq urani pillugu suleqatigiiliorpoq
- Kalaallit immikkut ilisimasallit sapinngisamik amerlanerpaat atorpavut, aammattaarli Danmarkimit ikiortissarsiortariaqarsimavugut immikkut ilisimasalinnik suleqatigiissitanik sapinngisamik siammasissumik ilisimasalimmik piginnaasalimmillu katiteriniarluta, Sermitsiap aaqqissuisuunera Poul Krarup, Ritzau naapertorlugu oqarpoq.
Avatangiisinik ilisimasallit, ujarassiuut, inuiaqatigiinnik ilisimasallit, uranimik ilisimasallit, inuussutissarsiortut akissarsialiillu suleqatigiissitami peqataasut, aaqquissuisoq nassuiaavoq.
Nunatsinni uranimik piiaanissaq avammullu tuninianissaq ilumut piumaneqarnersoq pillugu apeqqut pingaaruteqartorujussuusoq, Poul Krarup isumaqarpoq.
Tassami uranimik tunisassiornermi kinaassuseq, misigissutsit, naleqartitat Kalaallit Nunaannilu inuiaqatigiit qanoq ittuussanersut aamma pineqarmata.
- Uranimut naaggaarluinnarnermut politikkip atorunnaarsinneqarnerata kingorna, aatsitassanillu radioaktivinik akulinnik piaanissamut atatillugu annerpaaffissaanut akuersineq sioqqullugu politikkikkut ajoraluartumik oqallisigineqarsimanngilaq, Poul Krarup oqarpoq.
Sermitsiap atuartartunut apeqquteqartitsinini sapaatip akunnerani uani ammarpaa, apeqqutillu tallimanngornerit tamaasa aviisimi saqqummersumi akineqartassapput.
