Sermersuarmi aatsaat taama issitsigineranik uuttortaasoqartoq
Uuttortaavimmi Summittimi Sermersuarmiittumi tallimanngornermi oktobarip 26-ani aatsaat taama nillertigineranik uuttortaasoqarpoq. DMI Twitterikkut taama allaaserisaqarpoq.
Summit Camp.
Allattoq Simon Uldum
oktobarip 30-at 2018 09:40
Silap kissatsikkaluttuinnarnera sermillu aakkiartornerat tamanit oqaluuserineqaraluartoq Sermersuarmi aatsaat taama nillertigineranik uuttortaasoqarpoq.
DMI naapertorlugu tallimanngornermi oktobarip 26-ani -55,4°-nik issippoq, tamannalu oktobarip qaammataanut tunngatillugu rekordiliineruvoq.
- -55,4 °C-inik issippoq, uuttortaasarnitsinnilu oktobarip qaammataani aatsaat taama issigitsivoq. Maannamut rekordiusoq -55,2 °C-iugaluarpoq, DMI Twitterikkut taama allappoq.
AAMMA ATUARUK Summitip asseqanngitsumik uuttortaasimanini maajimi marloriarluni qaangeraa