Sermersuaq qarsullugu ilasseqatigiittoqassaaq

Unnummi Kulturisiorfimmi Nuummi immikkut ittumik aaqqissuussisoqassaaq. Tassami illoqarfinni tallimani innuttaasut qarasaasiat atorlugit imminnut ilassisinnaanissaannut Kommuneqarfik Sermersuup qaaqquai. Qarasaasiat taakku Nummi Rådhusimi unnukkut nalunaaqutaq qulingiluat qeqqaniit qulit tungaanut atorneqarsinnaassapput.

januaarip 20-at 2010 04:22

- Unnummi Kulturisiorfimmi kommunitta iluani illoqarfiit tamarmik Nuummut attavilerneqassapput, tassaasut Illoqqortoormiut, Tasiilaq, Ivittuut Paamiunullu attaveqassaagut. Nalungisaqaraanni, ikinnguteqaraanni ilaqutaqaraanni suleqateqaraanni sermersuaq qarsullugu ilasseqatigiittoqarsinnaavoq. Taama nassuiaavoq Kommuneqarfik Sermersuumi tusagassiisartut pisortaat, Katsi Hansen.

Tasiilarmiut, Illoqqortoormiormiut, Paamiormiut Ivittoormiullu borgmester Asii Chemnitz Narupip Rådhusip inersuaanut qaaqqugai, Hans Lyngep qalipagai tunngavigalugit ikaartitikkat tassani inersuarmiipput.

Eqqumiitsuliat kusanartut soqutiginartullu innuttaasut Unnummi Kulturisiorfimmi isiginnaarlugillu oqalugiartut tusarnaarsinnaavaat. Tasiilamiit qilaatersortut aamma takuneqarsinnaassapput.

Unnuk Kulturisiorfik Asii Chemnitz Narupip unnukkut nalunaaqutaq arfineq-marlunut ammassavaa.

Sermersuaq qarsullugu ilasseqatigiittoqassaaq

Aamma atuaruk