Gastroturisme Takornariat nerisassanik misigisassarsiortinneqassasut

Takornariat sumiiffimmi nerisassanik misigisassarsiortarnerat, gastroturismemik aamma taaneqartartoq, pillugu Sermersuumi inuussutissarsiornermi Siunnersuisoqatigiit Nuummi ataatsimeersuartitsiniarput, nerisassiorneq pillugu immikkut ilisimasallit Savalimmiuneersutt, Islandimersut nunatsinneersullu peqataasussaallutik.

Sumiiffimmi nerisassiornermi misilittakkat pillugit avitseqatigiinnikkut, takornariat Atlantikup Avannaani misigisassarsiorsinnaanissaat pitsanngorsaaviginiarneqarpoq.arput, Sermersuumi inuussutissarsiornermut Siunnersuisoqatigiit taama ilaatigut allaaserisaqarput.

AAMMA ATUARUK Savalimmiuni neriniartarfik KOKS Michelinip ulloriaanik marloraartoq

Savalimmiuni neriniartarfiup KOKS-ip, nerisassiornerup silarsuaani nunarsuarmi nuimanerit ilaannut qanittukkut ilanngunneqarnera oqaluttuaraarput, tassami Michelinip ulloriaanik taaneqartartumik taamanikkut tunineqarami.

Taamatullu pisoqarnerata ilaatigut kingunerisaanik Sermersuumi inuussutissarsiornermut Siunnersuisoqatigiit, Atlantikullu avannaani suleqatigiiffiup NORA-p Nuummi ullumi ataatsimeersuarnissaq aaqqissuuppaat:

- Inuit angalaneq nuannaraat, mamartunillu nerisaqarusuttarlutik, iggarissaarnerullu takornariartitsisarnerullu imminut naapinnerat piorsaaviginiarlugu ullumi ataatsissutiginiarparput, Sermersuumi inuussutissarsiornermut Siunnersuisoqatigiit taama ilaatigut allaaserisaqarput.

AAMMA ATUARUK Neriniartarfik kangerlummiittoq nersornaatisisoq