Savalimmiuni neriniartarfik KOKS Michelinip ulloriaanik marloraartoq
Savalimmiuni neriniartarfik KOKS, nerisassiornerup silarsuaani nunarsuarmi nuimanerit ilaannut ilanngunneqarpoq, ullorissanimmi Michelinik taaguuteqartunik marlunnik tunineqarpoq.
Allattoq Karsten Sommer
februaarip 19-at 2019 13:28
Nutserisoq Mads Lynge
KOKS-imi igasut naalagaat Poul Andrias Ziska, igasut inuusuttut akornanni pikkorinnersaattut Michelinip ulloriaanik aamma tunineqarpoq.
Neriniartarfiutaalu nerisassiornermi nuimanerit ilaannut taassuma saniatigut tassa ilannguppoq, Michelinip ullorissanik tunisisarnerani ataatsimik ulloriaqariarluni maanna marlunngormata.
Neriniartarfik KOKS qeqertami Streymoyimi Frammi við Gjónnamiippoq, tamaani pisaanik nerisassiortarluni. Skærpekød taakkununnga ilaapput, sulluitsullumi aamma.
Danmarkimi neriniartarfiit 28-t, Savalimmiut ilanngullugit, Michelinip ulloriaanik tunineqarnikuupput, ilaallu marlunnik pingasunilluunniit ullorialerneqareermata ullorissat katillugit 35-t tunniunneqarput.