Cannabis nakorsaatitut atorneqalernissaa akuersissutigineqarpoq

Namminersorlutik Oqartussat cannabis nakorsaatitut atorneqarlernissaa akuersissutigaat.

Kalaallit Nunaanni perulullutik napparsimasunut cannabis nakorsaatitut ullumikkumiit kuseriaatitut iisartakkatulluunniit immikkut ittumik tunniussisinnaanermut akuersissutigineqarsinnaalerput, Namminersorlutik Oqartussat tusagassiuutinut taama nalunaaruteqarput.

Peqqissutsimut Naalakkersuisoq Agathe Fontain tusagassiuutinut nalunaarummi  oqaluttuarpoq pingaarnerpaajusoq napparsimasup isumannaatsumiinnissaa.

'Napparsimasut ulluinnarni inuunerat pitsaanerulersittariaqarparput nakorsaatinik taamaattunik iluaqutaasinnaasunik. Taamaattumik naammagisimaarpara maanna napparsimasunut ataasiakkaanut nakorsamik akuersissuteqarnikkut illersorneqarnikkullu taamatut aaqqiissuteqarsinnaagatta,' taama oqarpoq Agathe Fontain.

Cannabis nakorsaat nakorsaatit pillugit inatsimmiippoq nakorsaatitullu atorneqalinnginnerani akuerineqaqqaartussaalluni. Cannabissit nakorsamit tunniunneqarsinnaasut sklerosemik nappaateqartunut anniarnaveersaatitut atorneqarsinnaapput aammalu assersuutigalugu kemoterapeertinnermi saniatigut sunniutaasunut nipaallisaaniarnermi.

Nakorsat pisortaata Anne Marie Ulrikip oqarnera naapertorlugu suleriaaseq imaassaaq napparsimasoq immikkut ittumik atornissaanut qinnuteqarsinnaassasoq, imalu nassuiaateqarpoq.

'Immikkoortortaqarfinni qinnuteqaat nakorsamit immersorneqartassaaq Dronning Ingrip Napparsimavissuani immikkoortortami nakorsaanermit suliarineqartassalluni. Innersuussinerit nakorsaatit pillugit ataatsimiititaliamut aalajangigassatut ingerlateqqinneqartassapput' taama nassuiaavoq erseqqissaatigalugul