Tuluit coronavirusimut akiuussuserneqanngitsut quliugaanngata arfinillit napparsimmavimmut unittartut
Tuluit nunaanni inuttaasut covid-19-imik tunillanneqarsimasut napparsimmavimmut unitsinneqarsimasut 60 procentii akiuussuserneqarsimanngillat.
Tuluit nunaanni nunap ilaanni amerlanerni covid-19-imik tunillanneqarsimallutik napparsimmavimmut unitsinneqartut akiuussusersorneqartut maanna amerliartorput, siorna marsimi akiuussusersorneqarsimasunut sanilliullugit, nutaarsiassaqartitsivik Sky News taama allappoq.
Tuluit nunaanni innuttaasut katillugit 3813-it covid-19-imik peqquteqarlutik napparsimmavimmi uninngapput. ars
AAMMA ATUARUK Nakorsaaneq: Corona nunatsinniittoq Tuluit Nunaanneersuuvoq
Tuluit nunaanni coronavirusip tuniluunnerpaaffiata nalaani inuit 60.000-it ullormut tunillanneqarsimasutut nalunaarutigineqartarput, Tuluit nunaanni naalagaaffiup qullersaqarfiani ilisimatuussutsikkut siunnersuisartoq, Patrick Vallance oqarpoq.
Ullumikkullu tunillanneqarsimasutut nalunaarsorneqartartut ullormut 50.000-it missaannipput. Tuluit nunaanni tuniluunneq taama annertutigigaluartoq ilisimatuuniillu mianersoqqusisoqaraluartoq, Tuluit naalagaaffiat ataasinngornermi ammaasseqqinniarpoq.
Ammaaqqinnissamilu, qanermut assiaqutit, inunnullu qanillinnginnissaq piumasaqaataavoq, angerlarsimaffimmilu sulinissaq atorunnaarsinneqarpoq, imerniartarfiit isiginnaartitsisarfiit filmertarfiillu aamma ammaqqinneqarlutik.