Savimmik siorasaaraluni tillinniaq ujaarineqartoq

Nuummi imerniartarfiup, Pub Nuan´-ip marlunngormat septembarip ulluisa 20-anni tillinniarfigitinnerata kingorna Nuummi politiit innuttaasunit ikioqqupput.
Allattoq Mads Pedersen
septembarip 22-at 2016 16:07

Pub Nuan´, Nasiffimmiittoq marlunngormat tillinniarfigineqarsimavoq. Angut savimmik siorasaarilluni tillinniarsimavoq, maannalu politiinit ujaarineqarluni. 

Angut ujaarineqartoq 175-180 cm missaanni angissuseqartoq qungaseqummik bandanamik taartumik kiinnani assersimavaa kajortunillu taartunik seqinersiuteqarsimalluni. Taartumik nasartalimmik tujuuloqarluni nasartaa atisimavaa qasertumillu qaamasumik saatsumik kavaajaqarsimalluni (Asseq takuuk).
Kavaajaata immikkut ilisarnaqutigaa tunuani taliatalu saamerliani tigerimik ilisarnaateqarmat ”Arctic Cat”-imillu meqqeqarluni. 

Pasineqartoq arpaatinik  qernertunik qarleqarpoq. Qarlii sungaartunik, qorsunnik tungujortunillu titarneqarlutik. 
Puussiamik qaqortumik, qernertumik, sungaartumik aappaluttumillu qalipaateqarpoq ”Super”-imillu allassimasoqarluni. Pasineqartoq arpaatinik qaqortunik skooqarpoq. 

Ilisimannissinnaasut politinut 70 14 48-mut sianersinnaapput. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq