London Bridgemi savilersortoqarluni saassussisoqarnerani peqataasunik allanik ujaarlertoqanngilaq.Assi: Luke Poulton/Reuters/Ritzau Scanpix

Savilersortoqareersoq politiit misiligummik iperagaaqqanermut malittarisassat misissorniaraat

London Bridgemi tallimanngormat savilersorluni saassussisoqarmat marluk toqutaasut pingasut ikiligaapput. Angut 28-nik ukiulik islamisk statimeersoq paarnaarussaareernermik misiligummik iperagaaqqasoq saassussisuuvoq.

Misiligummik iperagaaqqanermi maleruagassat allanngortinneqarsinnaanersut politiinit misissorneqassasut tuluit nunamut namminermut ministeriata tullersortaata Brandon Lewisip oqaatigaa.

Angut peqqarniisaarnikuunerminit paarnaarussassanngortinneqarnikoq misiligummik iperagaaqqanermini singernermigut kalerrisaarummik atugaqarpoq, tallimanngormalli saassussinerup nalaani suli atorneraa ilisimaneqanngilaq. Taanna 2012-imi pineqaatissinneqarpoq.00:00:51

- Misiligummik iperagaaqqanermi suut piumasaqaataanersut politiit misissussavaat, tassa pinerlunnerup misissugarineqarneranut atatillugu misissorneqarluaqqinnaarneqassallutik, Lewis BBC-imut oqarpoq.

AAMMA ATUARUK Londonimi savimmik saassussisoq toqusoq

Saassussisutut pasineqartut iperagaaqqanermini sulerisimanersoq peqqarniisaarnianut akiuiniarnermi pisortap Neil Basup misissuiffigineqarnera aqutsisuuffigissavaa.

- Siorna decembarip qaammataani iperagaavoq, tamatumalu kingorna qanoq pisoqarsimanersoq saassussinerup tungaanut paasiniarneqassaaq, Neil Basu oqarpoq.00:00:24

London Bridgemi savilersortoqarluni saassussisoqarnerani peqataasunik allanik ujaarlertoqanngilaq.00:00:17

Pasineqartoq ikaartarfiup avannarpasinnertaani savilersorluni inuit naapitani kaporiarlugit qimaavoq. Qimaaneranili innuttaasut ilaannit aaliangerlugu unitsinneqarpoq politiillu kingusiinnaq aallaallugu toquppaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat