Londonimi savimmik saassussisoq toqusoq

Londonimi ikaartarfimmi tassa London Bridgemi savimmik ullumikkut tallimanngornermi saassussisutut pasineqartoq toquvoq. 

Tuluit Nunaanni politiit peqqarniisaarniarnermut akiuisartuisa oqaaseqartartuat ilisimatitsivoq.

- Angut savimmik saassussisutut pasisaq politiinit aallaaneqarpoq. Toqusimasoq uppernarsarsinnaavara, oqaaseqartartoq oqarpoq.

Londonimi savimmik saassussineq peqqarniisaarniarnertut nalilerparput, Neil Basu Londonimi politiineersoq oqarpoq.

London Bridgemi savimmik saassussineq Tuluit Nunaanni politiinut Tuluit Nunaanni nalunaaqutaq malillugu ualikkut pingasunngorluinnalersoq nalunaarutigineqarpoq, savimmillu saassussisoq politiinit unitsinneqannginnermini aallaaneqannginnerminilu inunnut arlalinnut ikiliisimasoq, politiit ilisimatitsissutigaat.

Pisoq pissutigalugu ikaartarfik matuneqarsimasoq, Tuluit Nunaanni nutaarsiassaqartitsiviit arlallit allapput.