Savat neqaannut naatsiianullu akit isumaqatigiissutigineqartut
Pisortap oqaatigaa savat neqaat pillugit isumaqatigiinniarnerit savaatillit Neqi A/S-illu akornanni pitsaasumik oqaloqatigiinnikkut pisimasut. Naatsiialli akiisa isumaqatigiinniutigineqarneri sivisuumik unittooqqaffiusimapput.
- Isumaqatigiinniarnerit nalunaaquttap akunnerinik marlussunnik sivisutigigunarput, illuatungeriillu tamarmik iluarisaannik aaqqiissuteqartoqarpoq, isumaqatigiissullu sapaatit-akunnerata siuliani tallimanngormat atsiorneqarluni naammassineqarpoq, Per Jensen savat pillugit isumaqatigiinniarnerit pillugit taama oqarpoq.
AAMMA ATUARUK Kartoffelavlerne vil have prisen op
Akit isumaqatigiissutigineqarput
Savat neqaannut akigitinneqartut siornamut naleqqiullugit allannguuteqanngillat, savaaqqat neqaat 3 procentinik qaffaavigineqarput savaatilinnut iluaqutaasussamik.
Illuatungeriilli naatsiiat akii juunip qaammataanili isumaqatigiinniutigilerpaat.
Akilli tassa maanna isumaqatigiissutigineqarput.
Naatsiiat kiilumut 10 koruuneqarnissaat naaperiuteqarluni isumaqatigiissutigineqarpoq. Naatitsisartut peqatigiiffiata kiilumut 12 koruunit kissaatigisimagaluarpaat Neqi A/S-illu kiilumut 9 koruunit neqeroorutigisimallugit.
- Aki isumaqatigiissutigineqartoq naammappoq. Nillertippallaannginnerani assartornissaat qulakkeerneqarsinnaappat 10 koruunit ajorinngilagut, savaatillit peqatigiiffianni siulittaasoq Otto Nielsen taama oqarpoq.
AAMMA ATUARUK Neqi A/S: Ukioq manna tunisineq naammassilluarpoq
Naqqiut: Savaaqqat neqaanut akigitinneqartut allanngussanngitsut siornatigut allappugut.Tamanna kukkuvoq, tassami savaaqqat neqaat 3 procentinik qaffaavigineqarmata.