Savalimmiut Kalaallit Nunaannut juunip ulluisa 15-ianni ammaqqilersoq

Inuit Savalimmiunut tikittut mattuteqqasarnissaannut malittarisassat Savalimmiuni naalakkersuisut qasukkaaminiarpaat, inuillu amerlanerit coronavirusimut misissorneqartarnissaat pilersaarutigaat.
Takornariat juunip ulluisa 15-iannit assersuutigalugu Torshavniliarsinnaallissapput. Assi © : KNR/Anton Gundersen Lihn
maajip 29-at 2020 15:01
Nutserisoq Mads Lynge

Takornariat Kalaallit Nunaanneersut, Danmarkimeersut Islandimeersullu juunip ulluisa 15-iannit Savaliimmiunukaqqissinnaalissapput.

Savalimmiuni naalakkersuisut nittartakkaminni taama allaaserisaqarput.

Inuit Savalimmiunut tikittut mattuteqqasarnissaannut malittarisassat Savalimmiuni naalakkersuisut qasukkaaminiarpaat, inuillu amerlanerit coronavirusimut misissorneqartarnissaat pilersaarutigaat.

AAMMA ATUARUK Savalimmiuni coronavirusimik tunillatsissimasut 187-it peqqissisut

Savalimmiunili killilersuinerit assigiinngitsut suli atuutissapput. Assersuutigalugu nipilersornermi festivalit aggustip ulluisa 31-ata tungaanut taamaatiinnarneqarput, eqqiluisaarnissamillu qanillinaveersaarnissamullu inassuteqaatit suli atuullutik, soorlu nunatsinni aamma taamaattoq.

Imerniartarfiit diskotekillu unnuap-qeqqanut matusarnissaat taassuma saniatigut innersuussutaavoq. Illoqarfinnili assigiinngitsuni katerittoqarsinnaassaaq, peqqinnissamut inassuteqaatit malinneqarpata.

Savalimmiut ammaqqinnissaannut pilersaarutit nunatsinnisut issapput, killeqarfiimmi nunatsinni juunip ulluisa 15-ianni ammassapput, soorlu aamma Danmarkip Tysklandimiunut, Norgemiunut Islandimiunullu killilersuinerit juunip ulluisa 15-ianni aamma atuukkunnaarsinniarai.

Takornarialli Savalimmiuniinnissamik inniminniisimanertik uppernarsartassavaat, ikinnerpaamillu ullut arfinillit Københavnip avataaniissimassallutik.

Færøerne oplevede det første coronatilfælde 4. marts, men ifølge Statens Serum Institut har Færøerne ingen coronarelaterede dødsfald, og alle 187 smittede er erklæret raske igen.

Misissuisarnissamut iliuusissatut pilersaarut sukannersoq

Coronavirusimik tunillanneqarsimasoq siulleq Savalimmiuni marsip ulluisa sisamaanni siumorneqarmalli misissuisarnissamut iliuusissatut pilersaarut sukannersoq atuutilersinneqarpoq.

Tunillanneqarsimasoq attaveqarfigisimasaasalu tamarmik mattuteqqasarnissaat piumasaqaataavoq.

Coronavirusimik tunillanneqarsimasut, inuillu napparsimanermik ersiuteqartut ersiuteqalernermit ulluni ikinnerpaamik 14-ini angerlarsimaannartarnissaat piumasarineqarpoq.