Savalimmiuni naalakkersuisut ilungersunartorsiortut

Savalimmiuni Centerpartiit naalakkersuisuni ilaaniarnerminnut isumaqatigiinniutinit tunuarput. Kringvarp Føroyamit tusagassiortoq taama ilisimatitsivoq.
Assi © : Begemot/Flickr Commons
Allattoq Jonas Fievé
novembarip 22-at 2017 14:42
Nutserisoq Connie Fontain

Partiinut qiterpasinnerusumiittunut isumaqatigiissuteqarnerup Savalimmiuni lagmandip Aksel V. Johannesenip ukiuni marlunni aalisarnermut aaqqissuussineq pingaaruteqartoq suliaa qulakkeertussaagaluarpaa. 

Aaqqissuussinerli Lagtingimi suliarineqartussanngormat Aksel V. Johannesenip socialdemokraatini parteeqatai marluk aaqqissuussinermut akuerseqataasinnaanatik nalunaaruteqarput.

Centerpartinut isumaqatigiinniarnerit ajutoormata naalakkersuisut partiivi Republikanerit Socialdemokraatillu lagtingimi gruppiminni pisut ataatsimiissutigigaat, Kringvarp Føroyamit tusagassiortup, Beinta Løwe Jacobsenip oqaatigaa.

AAMMA ATUARUK Savalimmiuni politikkikkut suli ilungersunartorsiortut

Aalisarnermut aaqqissuusseqqinnermut tunngatillugu naalakkersuisoqatigiinni aaqqiissutissamik suli neriuuteqarluni Lagmandip, Aksel V. Johannesenip Savalimmiuni raadioaviisimut oqaatigaa.

Tamannali pissappat socialdemokraatini ilaasortani marluk akerliugaluartut, aaqqissuussinermut tapersiinissaannik killitariaqarpai.