Savalimmiuni corona tuniluuteriapiloortoq

Coronavirusi allanngortoq B117-imik taaguutilik, Tuluit nunaanni tuniluuttoq paasineqarpoq, taannalu Savalimmini tuniluutilersimasoq sapaatit akunnerata siuliani paasineqarpoq.

Savalimmiuni inuit 16-it tunillatsissimasut ullumi sapaammi nalulnaarutigineqarput. Coronap siorna marsimi tuniluutilerneraniit ullormut tunillatsittut aatsaat taama amerlatigeqqipput .

Savalimmiuni nakorsaaneq, Lars Fodgaard Møller taama paasissutissiivoq.

- Tuniluunneq inummiit ataatsimiit aallaaveqaroq misissuinitsinni paasivarput.

Tunillatsissimasutut nalunaarsorneqartut amerlanersaat Tórshavnimiipput eqqaanilu. Tuniluunneq sapaatit akunnerata naanerani iputtartoqatigiit ipunnermik unammineranni aallaveqartoq oqaatigineqarpoq.

Savalimmiuni nakorsaanerup oqarnera naapertorlugu inuusuttut 16-iniit 25-t tikillugit ukiullit uani tuniluunnermik eqqugaanerupput.

Savalimmiuni coronap tuniluunnera nakkutigineqarluarluni annikinnerpaaffimminiikkaluarpoq, maannalu tuniluunneq siaruaatipilooqqippoq.

Savalimmiuni inuit katillugit 692-it coronamik tunillatsinnikuupput, inullu ataaseq toqquteqarnikuulluni.

Innuttaasullu 9240-t tasa Savalimmiuni innuttaasut 17,3 procentii aappassaaneerlutik akiuussuserneqareerput.