Angut 20-nik ukiulik isumaginninnermi peqqissaanermilu ikiortimik Savalimmiuni Torshavnimi toquseriaraluartutut pasineqarluni unnerluutigineqarpoq.Assi: Simon Uldum

Savalimmiuni angut tarnimigut napparsimasoq toqutseriaraluartutut pasineqartoq

Isumaginninnermi peqqissaanermilu ikiorti sullitaminit angummit tarnimigut napparsimasumit napparsimmaviup silataani arfininngormat unnukkut saassunneqarpoq.

Angut 20-nik ukiulik isumaginninnermi peqqissaanermilu ikiortimik Savalimmiuni Torshavnimi toquseriaraluartutut pasineqarluni unnerluutigineqarpoq.

Savalimmiut Politiviini unnerluussisussaatitaasoq taama paasissutissiivoq.

Saassussineq Savalimmiuni napparsimavimmassuup silataani arfininngormat unnukkut pivoq. Unnerluutigineqartoq tarnimikkut napparsimasut uninngavianni uninngasuuvoq.

Ikiorti tarnimigut napparsimasoq aneeqatigitillugu saassunneqarpoq.

- Niaquatigut annersarpaa toqqusassillugulu, unnerluussisussaatitaasuneersoq, Maria Buus Sørensen taama nassuiaavoq.

Pinerlineqartoq 50-it sinnerlugit ukioqartoq inuunerminik ulorianartorsiunngilaq. Saassunneqarnermini ikiortissarsiorsinnaasimavoq.

Angut 20-nik ukiulik napparsimmavissuup tarnimikkut napparsimasut uninngavianniitinneqarluni sapaatit akunnerini sisamani tigummigallagassanngortinneqarpoq.

Pineqartoq saassussinermut pinngitsuunerarpoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat