Savalimmiormiut Israelimi aallartitaqarfeqalernissaat akerleriiffiusoq inissinneqarpoq

Savalimmiuni nunanut allanut tunngasunut ministeri Israelimi illoqarfiit pingaarnersaat pillugu naalagaaffeqatigiit nunanut allanut politikkianik akerliusumik isummertoq, naalakkersuisut siulittaasuannit inissinneqarpoq.
Savalimmiuni Lagmandip Bárður á Steig Nielsenip aalajangiusimavaa Savalimmiut Israelimi aallartitaqarfia Tel Avivimiissasoq. Assi © : Tróndur Dalsgarð/Ritzau Scanpix
Allattoq Ritzau
novembarip 16-at 2019 14:51
Nutserisoq Jaaku Lyberth

Savalimmiormiut naalagaaffeqatigiinni avissaartuutitsinianngilaq, Israelilu pillugu immikkut iliuuseqarniarani. 
Tamnanna savalimmiuni naalakkersuisut siulittaasuata Bárður á Steig Nielsenip qulakkeerlugu oqaatigaa.

Savalimmiuni nunanut allanut tunngasunut ministerip Janis av Ranap erseqqissaatigaa, Savalimmiut Israelimi aallartitaqarfissaata inissinneqarnissaannut manna ulapittoqartoq, pisortatigoortumillu jeruusalaat Israelimi illoqarfiit pingaarnersaattut akuerineqassasoq, naalagaaffeqatigiit nunanut allanut tunngusunut politikkia akerlilerlugu.

Taannali Savalimmiuni naalakkersuisut siulittaasuannit Bárður á Steig Nielsenimit kinguninngua naqqinneqarpoq.

- Savalimmiuni naalakkersuisut, Israelimi aallartitaqarfeqalernissaq kissaatigaat. - Aallartitaqarfiup Jeruusalaammiinnissaannik Savalimmiuni naalakkersuisut pisortatigoortumik isumaginngilaat, Bárður á Steig Nielsen allakkatigut Ritzauimut taama allappoq.

Taamaalilluni nunanut allanut tunngasunut ministerip Jenis av Ranip oqaatigisani nammineq akisusaaffigissaagaa, Bárður á Steig Nielseip erseqqissaatigaa, Israelimilu aallartitaqarfeqalernissamik sulineq aallartisarneqartoq.

Naalagaaffeqatigiinni ataqatigiinneq savalimmiunit unammillerneqarnavianngitsoq naalakkersuisut siulittaasuata erseqqissaatigaa. Taamaalilluni Savalimmiormiut Israelimi aallartitaqarfissaat Tel Avivimiissaaq.