VIDEO Savaasivinni maajip qaammataani ulappunnersuaqartarpoq
Savaateqarfimmilu Kangerluarsorujummi savaaqqanut ulloq unnuarlu ernisussiortoqartariaqarpoq. Savaaralerinerlu savaatilinnut ulapiffiunerpaasarpoq
- Ulapinnarseruttorpoq. Savaaqqat aallaqqaammut amerlanngikkaluariarlutik, ullut kingulliit nakkaaginnaleramik. Sukkatsikkamik ulapinnaqaaq, Lars Nielsen oqarpoq.
- Suliassaaleqinngeqaagut. Tassa savaateqarnermi ulapiffiunerpaasarpoq savaaralerinerup nalaani. Makka Nielsen oqarpoq.
Savaaqqat 50-it missaat ullormut piaqqiarineqartarput
Kangerluarsorujummiut piaqqiortunik 500-it sinnerlugit savaateqarput
Maajillu 12-iat aallarnerfigalugu nakkaallualeramik ullormut 50-it missaat piaqqiarineqartarput, Lars Nielsen oqarpoq.
Nakkutigineqartarput
- Piaqqinerluttoqariataarsinnaanera. Taava aamma ataatsikkut piaqqisimagaangata arajutsigaangatsigit paatsiveeruttaramik. Piaqqeqqaarneranni sumiinersut, taavalu inissillugit, Lars Nielsen oqarpoq.
- Pingaarnerpaavoq aamma anaanaata immoqarluarnissaa, Makka Nielsen oqarpoq.
Ulloq unnuarlu sulisoqartariaqarpoq.
- Piaqqiortut aniatinniakkallu ataatsimuuleraangamik ulapinnarsilluartarpoq. Ippassaq unnuap qeqqa qaangilaaraa angerlarpunga. Ullaaq arfineq marlunut ammukaqqippuunga. Unnuarsiortoqarpugut, sinippoq massakkut, Lars Nielsen oqarpoq.
Savaaqqat nalunaaqutsersorneqartarput.
- Ippassaq piaqqiarineqartut ullumikkut nalunaaqqutsersussavakka, taavalu normulersorlugit tamaasa, Lars Nielsen oqarpoq.
Savaateqarfik Kangerluarsorujuk 1970-ikkut qiteqqunneranili savaateqarfigineqalerpoq.