Saudi-Arabiarmiut arnanik OL-ertitserngaalerput

Saudi-Arabiamiut OL-imi peqataasussat arnanik marlunnik ilaneqarput. Tamanna uatsinnut soqutaarpasinngikkaluartoq, tamanna Saudi-Arabiamiunut nalinginnaanngilaq, taakkumi arnat OL-eqataanissaat siornatigut akerlerilluinnarsimagaluarpaat.
Allattoq Ritzau, Elisa Isaksen
juulip 15-at 2012 14:05

Arnani OL-eqataasussanngortut tassaapput 800 meterimut arpattartoq Sarah Attar aamma judo-rtartoq Wodjan Ali Seraj Abdulrahim Shahrkhani.

Nutaarsiassarlumi tamanna Nunat tamalaat OL-imut ataatsimiititaliaani siulittaasup Jaques Roggep nuannaarpalulluni ima oqaaseqarfigaa:

- IOC-p aamma Saudi Arabiami Olymiske komitep qanimut suleqatigiinnerisigut anguniarneqartoq piviusunngorsinnaasimavoq, tamannalu nuannaarutigaara, Jaques Rogge oqarpoq.

Tassa Saudi Arabiamiut taama aaliangiussimmata nunat OL-eqataasussat 205-iusut tamavimmik arnartaqartussanngorput.

- Saudi Arabiamiut OL-imi arnartaqarnissartik aaliangiutereeraallu Qatar aamma  Brunei arnanik peqataatitaqarnissartik aamma siunniuppaat, Jaques Rogge oqarpoq.

OL-ertoqarnissaa juulip 27-anni aallartikkuni aggustip aqqaneq aappaani naggataarnersiornermik naggaserneqartussaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq