Saudi-Arabiami uuliasiorfissuaq saassunneqartoq

Saudi-Arabiami uuliasiorfissuit marluk dronemik ippassaq saassunneqarput.
Assi © : Hamad I Mohammed/Reuters/Ritzau Scanpix
Allattoq Ritzau
septembarip 15-at 2019 13:47
Nutserisoq Ane-Marie Petersen

Nunarsuarmi uuliasiorfinni annerpaaq pisortanit pigineqartoq Aramco akunnerpassuarni ikuallappoq. Maannali ikuallattoq isumannaarneqarsimasoq oqartussat saudiarabiami nalunaarutigaat.

Pikitsitsiniat Yemenimeersut shiamuslimit houthimik taaguutillit saassussisuullutik nassuerutigigaat nutaarsiassaqartitsivik Reuters allappoq. Yemenimut silaannakkut saudiarabiamiut saassussimanerannut akiniutitut saassussineq taavaat.

Saudi-Arabiami uulisiornerup affaa sinnerlugu saassussinermit ajoquserneqarsimasoq uuliasiorfissuup Saudi Aramcop tusagassiorfinnut nalunaarutigaat. Uuliat nappartat ullormut suliarineqartartut 5,7 millioninik ikileriaateqarput.00:01:10 Nunarsuaq tamakkerlugu uuliasiornerup 5 procent sinnerlugit annertussuseqarpoq.

Saudi Arabia nunarsuarmi uuliasiorfinni annerpaavoq, ullormut nappartat syv millionit avammut niuerutigisarlugit.

Irani saassussisimasutut USA-mit pasineqarpoq, USA-p nunanut allanut ministeria Mike Pompeo Twitterimi allappoq. Taannali uppernarsaatinik takussutissaqarani.