Sassinissamut akuerineqarnertik iluaraat

Sassat Kangersuaatsiap avataani aakkarnerni marlunniittu, ammalataniittut pisarineqarsinnaanerannik Aalisarnermut Piniarnermullu Naalakkersuisoqarfiup ippassaq tallimanngornermi akuerivaa.  Qilalugarpaalussuit Kangersuatsiap avataani aakkarnerni, ammalatani  nikeriarsinnaajunnaarsimasut piniartunit ippassaanili naammattoorneqarput.

- Sassiffiusumi pissutsit pillugit apeqqutinik 16-inik nassitsigatta piniarnermut nakkutilliisumit akineqarput.  Piniarnermullu nakkutilliisup akissutai aallavigalugit qilalukkat aakkarnerniittut toquinnartussatut nalilerpagut, taamaattumik qilalukkat sassaniittut pisarineqarsinnaanerinut akuersivugut, Nette Levermann  aalisarnermut piniarnermulu naalakersuisoqarfimmeersoq oqarpoq .

Qilalukkat pisarineqarnissaannut akuersissutip pisassiissutigineqareersunut ilanngaataassanngitsut Naalakkersuisoqarfimmit qulakkeerlugu oqaatigineqarpoq.

Qilakkat sassaniittut pisarineqarnissaannut akuersineq piniartunit oqiliallaatigineqarpoq.