Timmisartuussinissat aallaqqaasiutigalugu januaarip 31-anit februaarip 9-anut unitsikkallarneqarput. SAS nalunaaruteqarluni paasissutissiivoq. SAS Hongkongimut timmisartuussiinnassaaqAssi: Vibeke Toft/Ritzau Scanpix

SAS virusi pissutigalugu Kinamut timmisartuussiniarunnaartoq

SAS-ip Shanghai-imit Beijingimit illuatungaanullu timmisartuussinissat tamaasa coronavirusi, inuit ikinnerpaamik 170-it toqqutigisaat pissutigalugu kinguartippai.

Timmisartuussinissaq aallaqqaasiutigalugu januaarip 31-anit februaarip 9-anut unitsikkallarneqarput. SAS nalunaaruteqarluni paasissutissiivoq. SAS-imit kinamiut illoqarfiinut annernut sapaatip-akunneranut aqqaneq-marloriarluni timmisartuussisoqartarpoq.

 SAS Hongkongimut Kinamut ilaavinngitsumut timmisartuussiinnassaaq.

  • Kissarneqarneq, panertumik quersorneq ilaatigullu anernikilliorneq puallunnermullu takussutissaqarneq nappaammik tunillatsissimanerup ersiutigai.
  • Inuit tunillatsinnerminnik ajornerulersut maannamut utoqqaanerullutillu peqqissutsikkut sanngiinnerusuupput.
  • Nappaammut virusimut suli akiuussutissaqanngilaq. Ilisimatuut qassiiusut nappaammut akiuussutissamik ineriartortitsileruttorput. Ilisimatuullu akiuussutissaasinnaasup siulliup qaammatit pingasut missaat qaangiuppata misileraatigineqarsinnaalernissaa neriuutigaat.
  • Kinami nappaalasut saniatigut Tysklandimi, Australiami, Frankrigimi, Japanimi, Malaysiami, Nepalimi, Canadami, Singaporemi, Korea Kujallermi, Taiwanimi, USA-mi, Saudi-Arabiami, Thailandimi, Cambodjami, Vietnamimi, Finlandimi Tibetimilu tunillatsissimasut siumorneqarput.
  • Nunat qassiiusut nappaatip tuniluunnerata annikinnerulersinnaa pissutigalugu angalasut immikkut ittumik nakkutigilerpaat.
  • Kinamiut illoqarfiat, Wuhan, nunallu immikkoortuani Hubei-imi illoqarfiit allat killilersorlugit matoqqatinneqarput. Innuttaasut 50 millioninit amerlanerusut killilersuinermit eqqugaaqqapput.

- Ilaasartutsinnut sulisutsinnullu isumannaassuseq uatsinnut pingaarnerpaavoq. SAS-ip Kinami coronavirusimik tuniluuttoqarneranik nalilersuereerluni Shanghai-imit Beijingimit illuatungaanullu timmisartuussinissat tamaasa kinguartinneqarnissaat aalajangerpaa, SAS allappoq.

AAMMA ATUARUK British Airwaysip Kinamut timmisartuussisarnerminik taamaatitsigallartoq

Timmisartuutileqatigiiffiup ilaasussaagaluartut tamatumanik eqqugaasut aningaasanik utertitsisinnaasut angalanissaminnilluunniit allanngortitsisinnaasut paasissutissiissutigaa.

SAS taamaalilluni timmisartuutileqatigiiffinnut allanut KInamut timmisartuussinissaminnik taamaatitsisunut ilannguppoq.

Timmisartuutileqatigiiffiit allat kinguartitsisut ilaatigut tassaapput: British Airways, KLM, Lufthansa, Swiss Airlines aamma Austrian Airlines.

Coronavirusimik nualluummik maannamut eqqugaasut 8000-it missaanniipput.

Virusi nunarsuarmi sumiiffinnut assigiinngitsunut matumani Europami nunanut qassiiusunut annguppoq.

Finlandimi virusimik napparsimasoq ataasiuvoq, Frankrigimi tallimat. Tysklandimilu sisamat ilisimaneqarput, taakku tamarmik Münchenimi napparsimmavimmiipput.

Danskeq angut Kinamut angalareerluni angerlarsimasoq tunillatsissimasoralugu marlunngormat misissorneqarpoq. Misissuinerillu angut tunillatsissimanngitsoq takutippaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat