SAS Kinamut timmisartuussisarnerminik taamaatitsigallartoq
SAS-p tusagassiisarfiani pisortaagallartoq, Kristian de Place Gamborg Hansen, marlunngornermi taama ilisimatitsivoq.
- Aalajangerpugut Shanghai-imut Beijingimullu taakkunaniillu timmisartuussinissavut februaarup naanerata tungaanut taamaatikkallassallutigit, Kristian de Place Gamborg Hansen, oqarpoq.
SAS-ilu coronavirusip tuniluunnera pissutigalugu Shanghai-imut Beijingimut taakkunaniillu timmisartornermut bilitsinik marsip ulluisa 15-ata tungaanut aamma tuniniaajunnaarallarpoq.
AAMMA ATUARUK SAS suspenderer fly til Kina på grund af virus
Februaarimi timmisartornissaminnut bilitsinik pisisimasut bilitsisiatik SAS-imut saaffiginnillutik utertissinnaavaat allanngortissinnaavaalluunniit.
SAS Kinami illoqarfissuarnut marlunnut sapaatit-akunneranut aqqaneq-marloriarluni timmisartuussisarpoq.
SAS Hongkongimut timmisartuussisarnerminik taamaatitsinngilaq.