Sarfaq Ittuk Qeqertarsuup Tunuanut siusinnerusukkut angallassilissaaq

Sinersortaat Sarfaq Ittuk Qeqertarsuup Tunuanut nalinginnaasumiit ukioq manna siusinnerusukkut angalalernissaa siunniunneqarpoq.

Arctic Umiaq Line A / S tusagassiuutinut nalunaarummi allappoq.

Ingerlatseqatigiiffiup nalunaarutaa naapertorlugu kitaata sikua nalinginnaasumik kingusissukkut tunuariartortarpoq, taamaalilluni Sarfaq Ittuup Qeqertarsuup Tunuanut angallassinini aatsaat apriilip naalernerani aallartittarlugu.

Sikulli massakkut avasinnerunera pissutigalugu angallassiaarnerunissaa aalajangiunneqarpoq.

Kitaatali sikua talissappat sinersortaat Sisimiunut killilluni angallasseqqittalissasoq Arctic Umiaq Linep tusagassiuutinut nalunaarutaani maluginiaqquneqarpoq.

Sarfaq Ittuk tallimanngorneq februaarip 20-at aallarnerfigalugu angallasseqqilissasoq naatsorsuutigineqarpoq.

Taama Arctic Umiaq Line tusagassiuutinut nalunaarummi allappoq.