AVISSAARNEQ Sara Olsvigip Naalakkersuisut akissuteqarnissaat qilanaaraa

Akisussaaffitsik pisussaaffitsillu kommunit kivissinnaasariaqarpaat, inuttaasullu atugarisaat ajorseriassanngippata kommunit mikivallaalinnginnissaat, Inuit Ataqatigiinneersup Sara Olsvigip neriutigaa.

 - Tamatumanilu aamma utaqqivarput Naalakkersuisuniit erseqqissumik tusassallutigu, qanoq Naalakkersuisut iliorniarnersut innuttaasut toqqaannartumik atugaat eqqarsaatigalugit, kisitsisit takutimmassuk innuttaasunut avitsisoqassappat kingunerlutsitsissasoq. Qanoq tamanna iliuuseqarfigineqarniarpa?, Sara Olsvig taama aperivoq.

Qaasuitsup Kommunia avinneqassappat qulakkiigassarpassuaqartoq, taanna isumaqarpoq.

Aamma atuaruk Qaasuitsup avinnissaa Naalakkersusooqatigiit suli isummerfiginngikkaat

- Siullermik isumaqarpunga soorunami pingaaruteqassasoq innuttaasunut toqqaannartumik qanoq kinguneqassanersoq qulaajarneqartariaqartoq, aamma aningaasaqarnikkut, aningaasarsiornikkut kommunillu aningaasaqarneratigut. Tamannalu soorunami Inuit Ataqatigiinniit naalaassavarput qanoq Naalakkersuisunit aamma oqariartuutiginiarneqarnersoq, Sara Olsvig KNR-imut oqarpoq.

Aamma atuaruk Kim Kielsen: Qaasuitsup Kommuniata avinneqarnissaa suli sulissutigaarput

Kommunip avinneqarnissaanut innuttasunik taasititsisoqarnerata ingerlarnga, illuatungiliuttut siuliuttaasuannit iluarineqanngikkaluartoq, taasititsinerup inernera erseqqissoq, Sara Olsvigip ataqqivaa.

 - Innuttaasulli Qaasuitsup Kommuniani aamma erseqqissumik oqariartornikuupput qanoq kissaateqarnerlutik, naak taasititsineq piareersarluagaasutut isiginngikkaluaripput, erseqqissumik innuttaasut oqariartornikkuupput. Kommunillu aamma nammineq aalajangerniarnera ataqqillugu tusaatissatut tiguarput, aningaasaqarnikulli qanoq aaqqiisoqarniarnera Naalakkersuisunit erseqqissumik tusagaqarnissarput aamma naalaarparput, Inuit Ataqatigiit siulittaasuat Sara Olsvig taama oqarpoq.

Aamma atuaruk Qaasuitsup Kommuniani Siumukkut kommunip avinneqarnissaa sulissutigiinnarniarpaat