Saqqummersitassanik ammaaneq kunngikkormiunit peqataaffigineqassaaq
Aka Høeghip, Qaqortumi najugaqartup, suliani pisoqqat nutaaffaariillu saqqummersinniarpai, saqqummersitsinerlu januaarip qulinganit apriilip 14-ianut alakkarterneqarsinnaassaaq.
Eqqumiitsulioriaatsit arlallit atorlugit saqqummersitsinerussaaq. Aka Høeghip eqqumiitsuliornerup iluani periaaserpassuit ajornartinnagit sammisarpai. Titartakkat, akvarellit, uuliamik qalipakkat naqitallu kiisalu qissiat meterinik arlalinnik takussisillit ilusilersukkat nutaat Aka Høeghip Nordatlantens Bryggemi immikkut saqqummersinniarlugit toqqarsimavai.
Eqqumiitsulioriaatsilli assigiinngitsorpassuit ataatsimik assigiissuteqarput. Imerpalasoq, imaq assigiinngitsullu immamut kalaallit inuuneranni pingaaruteqartupilussuarmut atassuserneqarsinnaasut. Qissiat arferillu saarngi kalaallip eqqumiitsuliortup pikkorissorsuup atussallugit nuannarisarai, tamannalu soqutiginnittut saqqummersitsinermik qaammatinik pingasunik sivisussuseqartumik alakkarterinermikkut nammineerlutik takusinnaavaat.
Eqqumiitsuliortoq pillugu januaarip 20-iani nal. 15.00 oqalugiartoqassaaq februaarillu pingajuani nal. 15.00 saqqummersitsinermi angallassisoqassalluni.
Saqqummersitsineq pillugu paasissutissat amerlanerusut uani atuarneqarsinnaapput: http://www.bryggen.dk/da/udstillinger/ved-havet/#!prettyPhoto