Sapiitsuliortut akissarsitinneqartut

Angutit inuusuttut marluk siorna sapiitsuliorsimanertik pillugu Nanortalimmi politiinit akissarsitinneqaqqammerput.
Ulloriaq Petrussen Henrik Emanuelsenilu sapiitsuliorsimanertik pillugu akissarsitinneqarput.
Allattoq Jonas Fievé
marsip 04-at 2016 10:31
Nutserisoq Mads Lynge

Akissarsitinneqartup aappaa tassaavoq 16-inik ukiulik Ulloriaq Petrussen. Angut inuusuttoq nanortalimmi ipigaluartoq Ulloriaq Petrussenip siorna oktobarimi annaappaa.

Ulloriaq Petrussenip angut toqungasoq siumorpaa immamiillu qaqeriarlugu ikiueqqaarfigaa angullu inuuneranik taamaasilluni annaassilluni.

30-nik ukiulik Henrik Emanuelsen Nanortalimmi politiinit aamma nersorniarneqarpoq, aamma akissarsitinneqarluni. Henrik Emanuelsenip arnaq immamut pisimasoq siorna decembarimi nassaaraa. Henrik Emanuelsenip arnaq immamiittoq ornippaa nunamullu qaqillugu, arnap inuunera Henrik Emanuelsenip suligaasuarnermigut taamaasilluni annaappaa.

Angutit sapiitsuliortut taakku marluk tamarmik immikkut checkimik 1000 koruuninik aningaasartalimmik tunineqarput.

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq