Sanaartornermut inatsit nutaaq upernaaru saqqummiunneqassaaq

Sanaartukkat tamarmik pisariaqanngitsumik nukissiuutinik atuinnginnissaat avatangiisinillu mingutitsinngitsunik sanaartortoqarnissaa inatsisiliornikkut anguniarneqarpoq aammalu atortunik atueqqittarnermut aalajangersakkat ilaatinneqarlutik. Jens B. Frederiksen akissuteqarnermini nallunaarutigaa. A/S Inissiaatileqatigiiffik INI illut ussissusaannut uuttuutinik pisereersimammat. Atortut ilaatigut Nuummi Tuapannguani inissiat 210-t sananeqarnerini sanaartukkat pitsaassusaannik misissuinermut atorneqarsinnaasunik. Nunani issittuni illunut nukimmik annikitsumik atuiffiusunut, pingaartumillu illunut kiassagaanngitsunut teknologiimut aaqqiissutissat ineriartortinneqarnerinut atatillugu unammilligassat tupinnanngitsumik annertupput ineqarnermut naalakkersuisoq Jens B Frederiksen akissuteqarluni taamatut allapoq, naalakkersuisut malinnaapput, tamatumani sanaartornermut malittarisassat naleqqunnerpaamik naleqqussarneqarnissaat, taamaalillunilu nunatsinni sanaartornerup aamma silap pissusaa avatangiisillu eqqarsaatigalugit pitsaasumik ingerlanneqarsinnaanissaa ilusilersorneqarsinnaanissaalu siunnerfigineqarluni Jens B. Frederiksen Naaja Nathanielsenip apeqquteqataanut akissuteqarluni taamatut allappoq.