Samuelsenip Ruslandimut atassuteqarneq pitsaanerulersinniassavaa
Danskit nunanut allanut tunngasunut ministereqarfiat danskit tusagassiorfiinut arlalinnut taama ilisimatitsivoq.
Danmarkip Ruslandillu atassuteqarnerat taamalilluni pitsaanerulersinnaavoq, Ruslandimmi qeqertaasamik Krimmimik 2014-imi tiguaanerata kingorna naalakkersuisutigoortumik atassuteqarneq minnerpaaffimmiissimavoq. Anders Samuelsenip Ruslandiliarneratigut, Rusland danskit ministeriinit ukiuni pingasuni siullerpaamik tikeraarneqassaaq.
Nunanulli allanut tunngasunut ministerip Europamilu nunat nunallu avannarliit aallartitaasa issittoq ataatsimiissutiginiarlugu Ruslandiliarnissaat nalaatsornerinnaanngilaq.
Jørgen Staun, Illersornissaq pillugu ilisimatusarfimmeersoq aviisimut Berlingskemut taama oqarpoq.
- Issittoq tassaavoq ataatsimoorussamik soqutigisaqarfiusoq. Oqaloqatigiissutigineqarnissaa pissutsillu tamaviaarnartut iluarsinissaat pisariaqarpoq, Jørgen Staun taama oqarpoq.
Ataatsimeersuarneq Ruslandip avannaani illoqarfimmi Arkhangelskimi marsip 29-ani 30-anilu ingerlanneqassaaq.