Sakkutuut Nunavummi sungiusarnerat aallartittoq
Inuit 230-t Canada illersornissaqarfimmeersut sungiusarnermi peqataapput, Qaasuitsup Alertillu ungasinngigisaani sungiusartoqarluni. Alert tassaavoq nunarsuarmi najugaqarfiit avannarpasinnerpaat, Qalasersuarmit 800 kilometerinik kujasissusilimmiilluni.
Nunat akornanni Issittumi arlaatigut aaqqiagiinngissuteqartoqalissagaluarpat, soorlu Canadami illersornissaqarfiup nammineq oqaatigigaa Canadami sakkutuut naleqquttumik pissusissamisoortumillu iliuuseqarsinnaanissaat sungiusarneqarpoq.
Aamma atuaruk Canadap USAllu issittumi sakkutooqarnikkut sungiusarneq naammasseqqammerpaat
Sakkutuut Nunalivummik taallugu sungiusarnerminni suliniutinik marlunnik immikkut aallussaqarput. Sungiusaqataasummi 230-t immami sikusartumi aqqartarsinnaanissaat sungiusarneqassaaq, soorlu aamma assersuutigalugu puttaami ingerlariaqqissiinnaajunnaarnermi qanoq iliuusissat sungiusarneqassasut.
Apriilip ulluisa 22-ata tungaanut sungiusartoqassasoq Canadap illersornissamut ministereqarfiata nalunaarutigaa.