Sakkutuujusussaaneq kalaallinut savalimmiormiunullu atuutsikkusukkaat
- Naalagaaffeqatigiinni illuatungeriit naligiittut ullumikkut pingasuupput, taamaammat aamma innuttaasut sakkutuujusussaatitaanissamut periarfissanut tunngatillugu assigiimmik pineqartariaqarput, siunnersuummi taama allassimasoqarpoq.
Siunnersuuteqartut Namminersorneq pillugu isumalioqatigiissitap nalunaarusiaa 2003-meersoq innersuussutigaat, tassani erseqqissarneqarmat “Naalagaaffeqatigiinni inuit ataatsimoortut pingasuusut Illernissornissaqarfimmut upalungaarsimaniarnermullu ilaasariaqartut”.
Angutilli kalaallit savalimmiormiullu Savalimmiuni Kalaallit Nunaanniluunniit sivikinnerpaamik ukiuni qulini najugaqarsimasut Danmarkimi sakkutuujusussaatitaanermut ilaatinneqassanngitsut oqaatigineqarpoq.
AAMMA ATUARUK Kalaallit savalimmiormiullu sakkutuujusussaatitaassanngillat
Savalimmiormiut Folketingimut ilaasortaatitaasa marluusut siunnersuut isumaqataaffiginngilaat.
Javnaðarflokkurinimeersup Sjúrður Skaalep oqaatigaa savalimmiormiut sakkutuujusussaatitaassappata Savalimmiut Illersornissamut qullersaqarfik sunniuteqarfiginerusariaqaraat:
- Sakkutuussanik pilersuiinnarsinnaanngilagut, qaqugu kikkunnullu sorsunnissaat Danmarkimut aalajangiiffigisassanngortiinnarlugu.
AAMMA ATUARUK Kalaallit savalimmiormiullu sakkutuujusussaatitaanermut naliliiffigineqartalersikkusukkaat