Kalaallit savalimmiormiullu sakkutuujusussaatitaanermut naliliiffigineqartalersikkusukkaat
Danskit angutit inuusuttut Sakkutuut Ulluannut - siornatigut sessionimik taaneqartartumut - peqataassallutik pisussaaffigaat, tamannali kalaallinut savalimmiormiunullu atuutinngilaq.
Sakkutuujusussaanermi Nunatsinni Savalimmiunilu atuutinngilaq, tamannalu allanngortinneqartariaqartoq Dansk Folkeparti isumaqarpoq. Taamaammat partiip Issittoq pillugu nutaamik periusissiornissaq pillugu isumaqatigiinniartoqalerpat ukiut arlallit matuma siorna siunnersuutigisimasani saqqummiuteqqissallugu maanna isumaliutigaa.
Aamma atuaruk Sakkutuunngorusuttut amerliartorput
Danskit naalakkersuisui misissueqqissaarinermik nalunaarusiaat periusissiassamut kaammattuutinik arlalinnik imaqartoq ataasinngormat saqqummiuppaat, Dansk Folkepartiillu illersornissaq pillugu oqaaseqartartuata Marie Krarupip saqqummiunneqartut pingaarnerit isumaqataaffiginerarpai.
Kalaallit savalimmiormiullu amerlanerusut illersornermut tunngasumik ilinniagaqalernissaannik tamanna qulakkeerinnissaaq. Immaqa aamma ilaat Illersornissaqarfiup iluani ingerlaqqikkusussapput taamaalillutillu sakkutuunut imarsiortunut issittup pigisaani arlalissuarnik suliaqartnut iluaqutaallutik, Marie Krarup oqarpoq.
Marie Krarupilli aamma erseqqissaatigaa inuit sakkutujuusussaanermik misilittagaqartut Kalaallit Nunaanni namminneq kajumissutsiminnik upalungaarsimasussanik pilersitsiniarnermik pilersaarutinut atorluarneqarsinnaakutsuussasut.
/ritzau/
