Sakkutooq nunatsinneersoq filmimi Armadillomi ilisarsisinnaanngilaq

Qallunaat sorsunnermiit piviusulersaarutaat Armadillo, Cannesimi filmfestivalertoqarnerani akissarsitinneqarpoq.

Sakkutuup Johan Høeg Hansenip Ilulissaneersup Afghanistanimi sakkutuunut piviusulersaarummi filmiliarineqartut, sakkutuut paarlaanneranni holdeqatini peqatigalugit paarlappai.

Taassuma piviusulersaarummi oqaluttuarineqartut ilisarisinnaanngilai, piviusumiit allaaneruallaaqimata.

-Sakkutuut pineqartut naapinnikuuakka, aamma filmiliortut taakkuussappata takugunarpakka. Kisiat piviusulersaarut ilisarisinaanngilluinnarpara uanga misigisannut naapertuutinngeruttormat, imaanngilaq taamatut oqaqquneqarama oqartunga.

Sakkutooq Johan Høeg Hansen oqarpoq.

Piviusulersaarutip Armadillo Afghanistanimi sakkutuut alapernaarsuiffianni immiussaasup, torrallataanera filminik naliliisartunit ajasoorutigineqarpoq.

Susinnaanngitsumillu toqutsisoqarnera qallunaat mamiattaatigaat.

- Pillaatitut toqutsineq likvidering isumaqarpoq inummik sakkoqanngitsumik aallaanninneq toqutsinissaq siunertaralugu.Tamanna qallunaat sakkutuuisa pissuserinagulu ileqqoringilluinnarpaat. Uanga nammineq sorsuunnermi ilaasarnikuuvunga taamaaliortoqartorlu takusimanagulu tusarsimanngisaannarpara.Johan Høeg Hansen, ukiorpaalunni sakkutujuvoq, ilaatigut 1996-mi Bosniami sorsuffimmut sakkutuujujartorsimalluni.Taasumalu ilimaginngilluinnarpaa qallunaat sakkutuui susinnaanngitsunik pillaatisissutiginagu toqutsisimasinnaanissaat .

- Holditinni sakkutuut pingasut annikitsumik ajortuliuminermata, sunaaneranik taasinnaanngisannik, kisianni Taleban-inut inuinnarnulluunniit attuumassuteqanngitsumik, kisiat sakkutuut akornanni pisumik, piaarnerpaamik angerlartinneqarput.

Taamaammat qallunaat sakkutuui pissutissaqanngitsumik toqutsisimagaluarpata tamarmik sakkortuumik pineqaatissinneqarsimassagaluarput, saqqummiunneqarlutillu piviusulersaarutaanaanngitsumik.

Johan Høeg Hansenip piviusulersaautip takunissaa pissangageqaa.

- Piviusulersaarutip takunissaa assorsuaq qilanaareqaara, tassami taqqavunga arrisarpunga nunarsuaq alianaaqimmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat