Sakkuaakkunnaarnissamut isumaqatigeereerluni Israel Gazamut saassusseqqittoq
Israel Gazamut silaannakkut saassusseqqippoq.
Sakkuaakkunnaarnissamut ullut aqqanillit isumaqatigiinniareerlutik maajip 21-at aallarnerfigalugu sakkuaakkunnaareerlutik saassussineq siulleq aallarteqqippaat.
AAMMA ATUARUK Israelip Gazami sakkuaakkunnaarnissaq akuerigaa
Taamani inuit hunnorujulikkaat toquttaapput.
Palæstiinamiut Israelip kujasissortaata killeqarfianut qaartartunik qullartaasiamiit nakkartitsinerata kingorna Israel akiniaalluni silaannakkut saassussivoq.
Qaartartut qullartaasiamiit nakkartinneqarnerisa kingunerisaanik Gazap killeqarfiata ungasinngisaani nunaatigineqartut 20-t ikuallanerput.
Israelimiut silaannakkut saassussinerani inunnik ajoqusertoqarsimanersoq toqusoqarsimanersorluunniit erseqqissumik nalunaarutigineqanngilaq.
Nunami pingaartitsisut ingerlaqatigiittut
Israelimiut Jerusalemip kangisissortani nunami pingaartitsisut marlunngormat eqqissiviilliortitsipput, tamaani inuit arlallit aqqunartitserput.
Eqqissiviilliortoqarnerani politiit aqqusinernik assersuillutik gumminillu aqerlunikkik palæstinamiunik piaapput.
Taamaaliortoqarnerani palæstinamiut 33-t ikiligasimasut, nakorsat nutaarsiassaqartitsivimmut AFP-mut paasissutissiissutigaa.
Politiit marluk ikilerneqarput, inuillu 17-it tigusarineqarlutik.